Алексей Песошин су биоресурсларын куллануны җайга салу буенча очрашу уздырды
Татарстан Премьер-министры Федераль балыкчылык агентлыгы җитәкчесе урынбасары Василий Соколов белән очрашты.
Скопировать ссылку
(Казан, 19 сентябрь, "Татар-информ"). Бүген Татарстан Республикасы Премьер-министры Алексей Песошин Федераль балыкчылык агентлыгы җитәкчелеге белән су биоресурсларын куллануны үзара җайга салу турында фикер алышты. Бу хакта Татарстан Президенты матбугат хезмәте хәбәр итә. Очрашу республика Хөкүмәт йортында уза.
Федераль балыкчылык агентлыгы җитәкчесе урынбасары Василий Соколов белән күрешү вакытында сүз хезмәттәшлекне киңәйтү турында барды. Балык тармагына инвесторларны җәлеп итү өчен хокукый базаны камилләштерү турында да сөйләшенде.
