Алексей Песошин Россиянең Кеше хокуклары буенча вәкаләтле вәкиле белән очрашты
Татьяна Москалькова Казанга эшлекле сәфәр белән килде.
(Казан, 30 июнь, "Татар-информ"). Бүген Татарстан Премьер-министры Алексей Песошин Россия Федерацияседә Кеше хокуклары буенча вәкаләтле вәкил Татьяна Москалькова белән очрашты. Бу хакта Татарстан Президентының матбугат хезмәте хәбәр итә. Очрашу Хөкүмәт йортында узды.
Алексей Песошин һәм Татьяна Москалькова гражданнарның тормышларын яхшыртуга кагылышлы һәм башка актуаль темалар буенча фикер алышты, диелә. Очрашуда Татарстан Республикасында Кеше хокуклары буенча вәкаләтле вәкил Сәрия Сабурская да катнашты.
Искәртеп үтик, Татьяна Москалькова Казанга эшлекле сәфәр белән килде. Казанда аның катнашында Идел буе федераль округындагы Кеше хокуклары буенча вәкаләтле вәкилләренең координацион советы үтәчәк.
Моннан тыш, сәламәтлек саклау, медик-социаль экспертиза, гражданнарны тернәкләндерүдә техник чаралар белән тәэмин ителеш һәм башка шундый актуаль мәсьәләләр каралачак.