Алексей Песошин миграция мәсьәләләре буенча Баш идарә җитәкчесе белән очрашты
Чарада Татарстан буенча эчке эшләр министры Артем Хохорин да катнашты.
(Казан, 18 апрель, «Татар-информ»). Бүген Татарстан Премьер-министры Алексей Песошин Россия Федерациясе Эчке эшләр министрлыгының миграция мәсьәләләре буенча Баш идарәсе җитәкчесе, полиция генерал-майоры Валентина Казакова белән очрашты. Очрашу ТР Хөкүмәте йортында узды. Бу хакта ТР Президентының матбугат хезмәте хәбәр итә.
Чарада Татарстан буенча эчке эшләр министры Артем Хохорин да катнашты.
Очрашуда миграция эшен, хезмәт базарын оештыру, шулай ук үзе теләп ялланган бүлекчә хезмәткәрләренә өстәмә рәвештә премияләр тапшыру турындагы мәсьәләләр хакында фикер алыштылар.
Моннан тыш, полиция генерал-майоры Валентина Казакова республикага эш сәфәре кысаларында ТР территориясендә миграция өлкәсендә дәүләт хезмәтләре күрсәтү мәсьәләләре буенча гражданнарны кабул итәчәк.
