Алексей Песошин һәм Игорь Комаров Санкт-Петербург форумында Татарстан стендын карады
Алар Татарстанның социаль-икътисади күрсәткечләре, шулай ук хәзерге вакытта гамәлгә ашырыла торган инвестиция проектлары турында фикер алышты.
(Казан, 4 июнь, «Татар-информ»). Бүген Россия Президентының Идел буе федераль округындагы Тулы вәкаләтле вәкиле Игорь Комаров Петербург халыкара икътисади форумында Татарстанның Презентацион стендында булды.
«Игорь Комаров һәм Татарстан Премьер-министры Алексей Песошин Идел буе федераль округы составындагы бер төбәге буларак Татарстанның социаль-икътисади күрсәткечләре, шулай ук хәзерге вакытта гамәлгә ашырыла торган инвестиция проектлары турында фикер алыштылар», — диелә ТР Президенты матбугат хезмәте хәбәрендә.
Татарстан Премьер-министры урынбасары Роман Шәйхетдинов «Иннополис» махсус икътисади зонасы үсеше һәм аның территориясендәге яңа объектлар турында кыскача сөйләде.
«Татар-информ» хәбәр иткәнчә, Игорь Комаров Чаллы шәһәрендә «КАМАЗ» җәмгыятенең җитештерү предприятиеләрендә булды.