Рәсми Татарстан 23 май 2017 20:37

Алексей Песошин: Куба Республикасы – Татарстанның иң мөһим икътисади партнерларының берсе

Татарстан һәм Куба арасында мөнәсәбәтләр бүген уңышлы үсештә, диелә.

Скопировать ссылку

(Казан, 23 май, "Татар-информ"). Куба Республикасы Татарстанның иң мөһим икътисади партнерларының берсе. Бу хакта бүген Татарстан Премьер-министры Алексей Песошин Куба Республикасының Россиядәге Гадәттән тыш һәм Тулы вәкаләтле илчесе Эмилио Лосада Гарсия белән очрашуда хәбәр итте, диелә республика Президентының матбугат хезмәте хәбәрендә.

Татарстан Хөкүмәте башлыгы Илчегә Татарстан Республикасына кызыксыну күрсәткәне һәм сәүдә-икътисад һәм инвестицион хезмәттәшлекне үстерүгә омтылганы өчен рәхмәт белдерде. Алексей Песошин ассызыклаганча, Куба Казан вертолёт заводы һәм “КАМАЗ” автогиганты продукциясе өчен тотрыклы һәм перспективалы базарларның берсе санала.

Татарстан Премьер-министры хезмәттәшлекнең башка перспективалы юнәлешләре арасында сәламәтлек саклау, спорт һәм туристлык өлкәсендәге элемтәләрне атады.

Эмилио Лосада Гарсиа үз чиратында, Татарстан һәм Куба арасында мөнәсәбәтләр бүген уңышлы үсә, дип билгеләде.

#Алексей Песошин

Сәхифәләр

Алексей Песошин: Куба Республикасы – Татарстанның иң мөһим икътисади партнерларының берсе