Алексей Песошин Һиндстан делегациясе белән мәгълүмати технологияләр турында фикер алышты
һиндстан Татарстанның күптәнге һәм өстенлекле партнерларының берсе санала, диде Татарстан Премьер-министры.
Скопировать ссылку
(Казан, 13 декабрь, "Татар-информ"). Татарстан Республикасы Премьер-министры Алексей Песошин бүген Һиндстан сәнәгате һәм стартаплар конфедерациясе делегациясе белән мәгълүмати технологияләр өлкәсендә үзара хезмәттәшлек, тармакларда мөнәсәбәтләрне ныгыту мәсьәләләре хакында фикер алышты. Бу турыда Татарстан Президенты матбугат хезмәте хәбәр итте.
Алексей Песошин һиндстан Татарстанның күптәнге һәм өстенлекле партнерларының берсе санала, дип искә алды.
Очрашу ТР Хөкүмәте йортында узды, анда ТР Премьер-министры урынбасары - ТР мәгълүматлаштыру һәм элемтә министры Роман Шәйхетдинов катнашты.
