Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алексей Кудрин Казан, Самара, Тольятти һәм Ульяновскидан метрополия төзергә тәкъдим итте
Россия Хисап палатасы рәисе Томск, Новосибирск, Барнаул, Новокузнецк; Ростов-Дон, Краснодар, Ставрополь нигезендә дә метрополия төзергә кирәк, ди.
(Казан, 25 апрель, «Татар-информ»). РФ Хисап палатасы рәисе Алексей Кудрин ил төбәкләре үсешен тизләтү өчен метрополияләр төзергә тәкъдим итте. Аларның берсе Казан, Самара, Тольятти һәм Ульяновск нигезендә оештырылырга мөмкин. Кудрин Санкт-Петербургта узган Закон чыгаручылар советы утырышында шундый тәкъдим белән чыгыш ясады. Бу турыда палатаның матбугат хезмәте хәбәр итте.
Алексей Кудрин искәртеп үткәнчә, табигый ресурслары җитәрлек күләмдә булмаган Федерация субъектларының төп бурычы – үсеш нокталарын эзләү. Аның фикеренчә, метрополияләр төзү моңа ярдәм итә алыр иде.
«Безгә Россия Федерациясе субъектлары белән горизонталь элемтәләрне көчәйтергә кирәк», - диде Хисап палатасы рәисе.
Урта Идел буеннан тыш, Алексей Кудрин Екатеринбург; Томск, Новосибирск, Барнаул һәм Новокузнецк; Ростов-Дон, Краснодар һәм Ставрополь нигезендә дә метрополияләр төзергә тәкъдим итте.
Моңа кадәр «Татар-информ» агентлыгы хәбәр иткәнчә, КФУның Идарә, икътисад һәм финанслар институтында узган форумда Татарстан агломерацияләрен үстерү хакында фикер алышканнар иде.
Кызыклы яңалыкларны күзәтеп бару өчен Телеграм-каналга язылыгыз