Песошин: Татарстанда язгы чәчү алдыннан орлык, ашлама, запчастьлар күләме нормадан артык

Премьер-министр, импортка бәйлеклекне кисәтү өчен, үзебезнең илдә техник һәм яшелчә культуралары орлыклары һәм үсемлекләрне саклау чаралары белән тәэмин итә алучылар исемлеге төзелгәнен әйтте.

Скопировать ссылку

Татарстан Премьер-министры Алексей Песошин республиканың авыл хезмәтчәннәрендә язгы чәчү алдыннан орлык, ашлама һәм запчастьлар нормадан артык булуын әйтте.

«Азык-төлек куркынычсызлыгына зур игътибар бирелә. Быелгы уңыш өчен 480 мең гектар уҗым культуралары чәчелгән, язгы чәчүгә орлыклар белән тәэмин ителеш 115 процент», - диде ул Дәүләт Советында республика Хөкүмәте эше турындагы хисабында.

«Ашлама хуҗалыкларга расланган график буенча китерелә. Язгы кыр эшләре өчен бөтен техника тулысынча әзер», - диде Алексей Песошин.

Хөкүмәт рәисе 19 марттан авыл хуҗалыгы ярминкәләре үткәрелгәнен искәртте. Аның сүзләренчә, халык арасында озак саклана торган продуктларны күпләп алу ажиотажы кимегән. Нигездә, азык-төлекне уртача куллану күләмнәрендә алалар. «Сәүдә объектлары штат режимында эшли, халык ихтыяҗын канәгатьләндерү өчен запаслар җитәрлек», - диде Премьер-министр.

Сәхифәләр

Песошин: Татарстанда язгы чәчү алдыннан орлык, ашлама, запчастьлар күләме нормадан артык