Алексей Песошин таможня хезмәткәрләрен һөнәри бәйрәмнәре белән котлады
Татарстан Премьер-министры Алексей Песошин таможня хезмәте хезмәткәрләрен һәм ветераннарын һөнәри бәйрәмнәре – Халыкара таможня хезмәткәрләре көне белән котлады. Аның сүзләрен ТР Хөкүмәте матбугат хезмәте китерә.
Ул билгеләп үткәнчә, бәйрәм 1983 елдан бирле билгеләп үтелә.
«Бу бәйрәм илнең икътисади мәнфәгатьләрен саклаучы, тышкы икътисади эшчәнлектә Законлылык һәм тәртип тәэмин итүче кешеләргә җәмгыять һәм дәүләтнең югары дәрәҗәдә ышанычын символлаштыра», - дип өстәде Песошин.
Алексей Песошин ассызыклаганча, хәзерге икътисади вәзгыять таможня хезмәте алдына катлаулы бурычлар куя һәм хезмәткәрләрдән киеренке эш, югары җаваплылык, намуслылык һәм тулы фидакарьлек таләп итә.
Ул билгеләп үткәнчә, нәкъ менә таможня хезмәткәрләренең профессиональлеге нәтиҗәсендә Россия үз икътисади чикләрен нәтиҗәле яклый, тышкы сәүдәне үстерә һәм халыкара партнерлар белән тигез хокуклы һәм үтә күренмәле мөнәсәбәтләр булдыра.