Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алексеевскида ясалма бозлы, өсте ябулы шугалак төзелеше төгәлләнеп килә
Быел Татарстанның Алексеевск шәһәр тибындагы бистәсендә ясалма бозлы, өсте ябулы шугалак төзелеше төгәлләнәчәк. Бу эшләр «Демография» илкүләм проектын гамәлгә ашыру кысаларында башкарыла, дип хәбәр итә ТР Спорт министрлыгы матбугат хезмәте.
Ведомствода илкүләм проект буенча башкарылачак бүтән эшләр турында да мәгълүмат бирделәр. Шул исәптән, быел республиканың 18 спорт учреждениесенә барлыгы 56,3 миллион сумга спорт җиһазлары, инвентарь һәм экипировка сатып алуга дәүләт ярдәме күрсәтелгән.
Җиһазлар олимпия резервындагы Казанның – 10, Чаллының 7 спорт мәктәбенә һәм Югары Ослан районының стендка һәм пуля белән ату буенча олимпия резервындагы республика спорт мәктәбенә юнәлдерелгән.
Шулай ук быел Татарстанның Әлмәт, Кайбыч, Лениногорск, Балык Бистәсе, Тәтеш һәм Югары Ослан кебек алты муниципаль районында ГТО мәйданчыклары корып куелачак. Бу максатларга 21,6 миллион сум бүленгән.
Мәгълүм булганча, республикада 2019 елдан ГТО тапшыра торган 37 мәйданчык ясалган.
Кызыклы яңалыкларны күзәтеп бару өчен Телеграм-каналга язылыгыз