Алексеевскида "Волга" машинасы янган
Машинаның двигателе эшләп торганда кыска ялганыш аркасында мотор бүлегендә ут чыккан.
Скопировать ссылку
(Казан, 18 ноябрь, "Татар-информ") Бүген 13.26 сәгатьтә 112 бердәм диспетчер хезмәтенә Татарстанның Алексеевск районы үзәгендә “Волга” машинасы януы турында мәгълүмат җиткерелә, дип хәбәр итә Россия Гадәттән тыш хәлләр министрлыгының Татарстан буенча идарәсе матбугат хезмәте.
104 нче Янгын сүндерү – коткару частенең өч хезмәткәре чакыру алынгач та тугыз минут эчендә янгынны тулысынча сүндереп бетерә. Соңрак ачыкланганча, янгын двигательдәге кыска ялганыш аркасында чыккан.
