Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алексеевскида Советлар Союзы Герое Иван Кочневка истәлек тактасы ачтылар
Тактаны ачу чарасы геройның ике кызы Елена Данеева һәм Надежда Егорова катнашында узды.
(Казан, 8 май, «Татар-информ»). 9 Май алдыннан Алексеевск бистәсендә Советлар Союзы Герое Иван Кочневка истәлек тактасы ачтылар. Хәзер район үзәгендәге Советлар Союзы Герое исемен йөртүче икенче мәктәп диварында истәлек тактасы урнаштырылган. Бу турыда «Заря» газетасы яза.
Тактаны ачу чарасы геройның ике кызы Елена Данеева һәм Надежда Егорова катнашында узды. Бу чарада шулай ук Иван Кочневның оныклары да катнашты. Мәктәп укучыларын әлеге истәлекле вакыйга белән Башкарма комитет җитәкчесе урынбасары Николай Чурин һәм районның хәрби комиссары Владимир Макаров котлады.
Иван Кочневның оныгы Елена Сладкова район җитәкчелегенә һәм мәктәп администрациясенә рәхмәт сүзләре белән мөрәҗәгать итте.
«Минем өчен бүген сезнең белән бергә бабам истәлеген олылау зур дәрәҗә. Мин аны исән килеш күрмәсәм дә, балачактан аның Герой булуын белә идем. Мин моны хәрби иптәшләре хатыннан, газеталардан һәм китаплардан белгән идем. Һәр гаиләдә үз герое бар, без аларны истә тотарга тиеш!"- диде Елена Сладкова укучыларга мөрәҗәгать итеп.
Тантаналы өлештән соң Геройның туганнары һәм мәктәп укучылары өчен концерт булды.
Кызыклы яңалыкларны күзәтеп бару өчен Телеграм-каналга язылыгыз