Авыл 18 ноябрь 2018 09:22

Алексеевск районында үзара салым акчасына суүткәрү челтәрләрен алыштырырга җыеналар

Тавыш бирү кичке сигезгә кадәр дәвам итәчәк.

Скопировать ссылку

(Алексеевск районы, 18 ноябрь, "Татар-информ", "Таң"). Бүген Алексеевск районы халкы үзара салым җыю буенча референдумда катнаша. Кайбер пунктларда җыелган акчаларны суүткәрү челтәрләрен алыштыруга һәм балалар мәйданчыклары урнаштыруга тоту планлаштырыла. Бу хакта "Таң" газетасы хәбәр итә.

Бистә халкы үзара салым җыю буенча үз фикерен белдерергә тиеш. Җыелган акчалар дүрткә тапкырланачак һәм бистәне төзекләндерүгә тотылачак.

Халык сайлау участокларына иртәнге җидедән үк килә. Сайлау участокларының берсе урнашкан "Красный восток" мәдәният йортына балалары белән дә киләләр. Иртән сайлау комиссиясе эшчәнлеген бәяләү өчен территориаль сайлау комиссиясе рәисе Рөстәм Хөснетдинов та килде, диелгән әлеге хәбәрдә.

Тавыш бирү кичке 20:00 сәгатькә кадәр дәвам итәчәк.

#үзара салым #референдум

Сәхифәләр

Алексеевск районында үзара салым акчасына суүткәрү челтәрләрен алыштырырга җыеналар