Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алексеевск районында Советлар Союзы Героена мемориаль такта куелды
Хәрби комиссар Владимир Макаров һәм завод директоры Фәнис Бадталов аның өчен акча бүлеп биргән.
(Алексеевск, 6 октябрь, "Татар-информ", "Таң", Алексей Вангаев). "Алексеевск сөт заводы" янында Советлар Союзы Герое Николай Васильевич Мамоновның тууына 100 ел тулу уңаеннан истәлекле митинг узды. Бу көнне анда сугышка киткәнче әлеге заводта эшләгән герой хөрмәтенә мемориаль такта куелды. Бу турыда район басмасы хәбәр итә.
Истәлекле тактаны урнаштыру буенча инициативаны Алексеевск районы буенча Россия Эчке эшләр министрлыгы ветераннары тәкъдим итте.
"Николай Мамонов Эчке эшләр халык комиссариаты һәм чик буе гаскәрләренең Саратов мәктәбен тәмамлаган. Шуңа күрә хезмәт ветераннары белән бергә без хәтер тактасын аның йөз еллыгына куйсак, бу символик булыр дип уйладык", - дип сөйләде ветераннар советы рәисе Рәфис Шиһапов.
Аны ясау өчен акчаны хәрби комиссар Владимир Макаров һәм завод директоры Фәнис Бадталов бүлеп биргән.
Митингта геройның сугыш юлы һәм батырлыгы турында мәгариф бүлеге җитәкчесе Дамир Гыйләҗев, ветераннар советы рәисе Елена Макарихина сөйләде. Г.С.Боровиков исемендәге өченче мәктәп укучылары митингның иҗади программасын әзерләделәр, ул чәчәкләр салу белән тәмамланды.
Кызыклы яңалыкларны күзәтеп бару өчен Телеграм-каналга язылыгыз