Җәмгыять 27 апрель 2019 23:00

Алексеевск районында иң яхшы стеллаларның эскиз проекты конкурсында җиңүчеләр ачыкланды

Җиңүчеләрне "Заря/Таң" район газеталары редакциясендә бүләкләделәр.

Скопировать ссылку

(Алексеевск, 27 апрель, "Татар-информ", "Таң"). Алексеевск районында иң яхшы стеллаларның эскиз проекты конкурсына йомгак ясадылар, алар район үзәгендә автотранспорт боҗра хәрәкәте урыннарында куелырга мөмкин. Бу турыда җирле басма хәбәр итә.

Элегрәк "Заря/Таң" газеталарында игълан ителгән конкурска кече Ватаныбызны символлаштыручы монументларның бик күп кызыклы вариантлары килде. Әмма шунысын да билгеләп үтәргә кирәк, алексеевскилылар тәкъдим иткән күп кенә стеллаларда Алексеевск районының символы булган поши бар иде. Фонтаннар, чәчәк түтәлләре, аркалар - бик күп кызык идеяләр конкурста катнашучылар тарафыннан кәгазьдә сүрәтләнгән.

Нәтиҗәдә, инфраструктура үсеш бүлеге хезмәткәрләре, социаль өлкә вәкилләре, шулай ук район активы кергән конкурс комиссиясе әгъзалары берьюлы дүрт призерны сайлап алды. Алар - Закиров Наил, Борюшкина Валерия, Круглова Алена һәм Евгения Охонина.

Җиңүчеләрне "Заря/Таң" район газеталары редакциясендә бүләкләделәр. Аларга район башлыгы Сергей Демидов исеменнән кыйммәтле бүләкләр тапшырдылар. Шәмә мәктәбе укучысы Борюшкина Викторияне тантаналы төстә мәктәп линейкасында котладылар.

#Алексеевск Таң

Сәхифәләр

Алексеевск районында иң яхшы стеллаларның эскиз проекты конкурсында җиңүчеләр ачыкланды