Алексеевск районы башлыгы авыл имам-хатыйбларына чапан һәм чалма тапшырган
Очрашуда сүз авыл мәчетләре территорияләрен төзекләндерү турында да барган.
(Алексеевск, 2 июнь, "Татар-информ", "Таң", Ирина Монина). Район башлыгы Сергей Демидов Алексеевск районы авыл мәчетләренең имам-хатыйбларына чапаннар һәм чалмалар тапшырган. Бу турыда җирле басма хәбәр итә
Сергей Анатольевич мәхәллә кешеләре белән аралашкан. Сүз авыл мәчетләре территорияләрен төзекләндерү турында да барган. Шулай ук муниципалитет башлыгы муллаларга алексеевскилыларның рухи тормышын үстерүгә керткән өлешләре өчен рәхмәт әйткән.
Рөстәм хәзрәт, үз чиратында, Сергей Демидовка мөселман җәмгыятенә һәрьяклап ярдәм итүе өчен рәхмәт белдергән. Республика ифтарына баруны оештырган өчен мәхәллә кешеләренең исеменнән дә рәхмәт сүзләрен җиткергән.