Алексеевск районы укучысы татар әдәбияты буенча республика олимпиадасы призеры булды
Алексеевск районының өченче мәктәбенең 11 сыйныф укучысы Камилә Хәсәншина татар әдәбияты буенча республика олимпиадасының йомгаклау этабында иң яхшылар рәтенә керде. Ул рус телендә белем бирә торган мәктәптә татар төркемендә белем алучы укучылар арасында ярышкан.
Укучыны олимпиадага укытучысы Роза Кутуева әзерләгән. Бу хакта «Таң» газетасында хәбәр ителә.
Укучылар арасында республика олимпиадасының йомгаклау этабы 31 гыйнвардан 2 февральгә кадәр «Дуслык» сәламәтләндерү-белем бирү комплексында узды.