Алексеевск халкы үзара салым турында: Безгә килүчеләрнең барысы да ак көнләшүен әйтә
Быел программа ярдәмендә бистәдә су башнясы алыштырылды, юллар һәм тротуарлар төзелде, күп фатирлы йорт коймалары торгызылды.
(Казан, 8 декабрь, «Татар-информ»). Алексеевск торак бистәсендә яшәүчеләр киләсе елга бистә үсеше нинди булачагын билгеләде. Үзара салым буенча референдумда аларга: «2020 елда район үзәгендәге балигъ булмаган һәр кешедән 500 сум күләмендә үзара салым кертү белән килешәсезме?» - дигән сорауга җавап бирергә кирәк иде. Бу хакта «Таң» газетасы яза.
Барлык җыелган акчалар республика бюджеты хисабына дүрт тапкырга арттырылачак.
Киләсе елда район үзәгендә авыл эчендәге юлларны төзекләндерү, балалар мәйданчыклары сатып алу, урамнарны һәм ял зоналарын яшелләндерү, яңа һәйкәлләр төзү һәм булганнарын төзекләндерү, суүткәргеч һәм канализация челтәрләрен реконструкцияләү планлаштырыла.
«Безгә килүчеләр, Алексеевск бистәсенең чисталыгына һәм төзеклегенә сокланып, уңай яктан көнләшәләр. Шуңа күрә, мөмкин кадәр күбрәк урамнар һәм йортлар төзекләндерелсен өчен, бистәбезне яхшыртуны дәвам итәргә кирәк дип саныйм», – диде бистәдә яшәүче бер ханым.