Мәдәният 7 апрель 2017 17:28

Александр Сладковскийның дирижер таягы музей экспонаты булды

Танылган дирижер «Бүләк итү көннәре» хәйрия акциясендә катнашты.

Скопировать ссылку

(Казан, 7 апрель, «Татар-информ», Мөршидә Кыямова). Татарстан дәүләт симфоник оркестрының сәнгать җитәкчесе һәм баш дирижеры, Россиянең халык артисты Александр Сладковский дирижер таягын Татарстан Милли музей фондына тапшырды. Бу хакта «Татар-инфом» хәбәрчесенә Милли музейның матбугат үзәге җитәкчесе Руфия Мөхетдинова хәбәр итте.

Музей экспонатына әйләнгән дирижер таягы, маэстроның Европа буенча ике тапкыр оештырылган иҗади сәфәрендә катнашкан. Истәлекле таяк дөньякүләм зур сәхнәләрдә чыгыш ясаганда Сладковский кулында булган.

Татарстан Милли музеенда 1893 елдан бирле «Бүләкләр китабы» алып барыла. Әлеге тарихи басмага тарихи кыйммәткә ия экспонатлар тапшырган шәхесләрнең исемнәре теркәлә килгән. Исемлектә А. Лихачев, О. Александрова-Гейнц, В. Заусайлов, Л. Сиклер кебек данлыклы кешеләр бар. 2011 елдан бу традицияне музейчылар кабаттан яңартты.

#Татарстан Милли музее #Дирижер Александр Сладковский

Сәхифәләр

Александр Сладковскийның дирижер таягы музей экспонаты булды