Рәсми Татарстан 14 март 2006 17:42

^Александр Авдеев Татарстанны “француз инвестицияләрен җәлеп итү өчен яхшы кыр”, дип саный

Скопировать ссылку

(Канна, 14 март, “Татар-информ”, Юлия Васильева). “Франциядә Татарстанга зур игътибар күрсәтәләр, аерым алганда Казан юбилее белән бәйле рәвештә кызыксыналар”, - дип билгеләп үтте Франция Республикасында Россия Федерациясенең Гадәттән тыш һәм тулы вәкаләтле Илчесе Александр Авдеев Каннада узучы "MIPIM-2006" XVII Халыкара коммерцияле күчемсез милек күргәзмә-ярминкәсендә Татарстан журналистына биргән интервьюсында. Ул “французлар Казанга таң кала”, - ди, бигрәктә шәһәрнең күп кенә объектларының ничек төзекләндерелүе сокландыра.

“Татарстанны бүген французлар Россия Федерациясенең ышанычлы хокукый кыры булган субъекты буларак карыйлар”, - дип билгеләп үтте Илче. Александр Авдеев Россиядә очышлар белән идарә итү өлкәсендә иң ышанычлылардан саналган “Казан” Халыкара аэропортының Франциянең «Tompson» компаниясе булышлыгында төзелгән иде, дип искәртеп үтте. “Татарстан - бүген француз инвестицияләрен җәлеп итү өчен яхшы кыр”, - дип ассызыклады Александр Авдеев.

Сәхифәләр

^Александр Авдеев Татарстанны “француз инвестицияләрен җәлеп итү өчен яхшы кыр”, дип саный