Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Алдагы ике елда Татарстанда ун сөтчелек комплексы төзелеше ниятләнә
Узган елда 6400 башка 16 сөтчелек комплексы файдалануга тапшырылган.
(Казан, 10 февраль, «Татар-информ», Гөлнар Гарифуллина). Алдагы ике елда Татарстанда 9700 башка тагын яңа ун сөтчелек комплексы төзелеше планлаштырылган.
«Узган елда 6400 башка 16 сөтчелек комплексы файдалануга тапшырылган. Бу елына өстәмә 40 мең тонна сөт алу мөмкинлеге бирде», — диде ТР Премьер-министры урынбасары-авыл хуҗалыгы һәм азык-төлек министры Марат Җәббаров йомгаклау коллегиясе утырышында.
Ул якындагы ике елда 24 мең баш терлеккә 23 инвестицион проект гамәлгә ашырылачагын әйтте.
«Татарстан үзен терлекчелек продукциясе белән тулысынча тәэмин итә. Җан башына куллану нормаларыннан сөт буенча — 37, ит буенча 25 процентка күбрәк җитештерәбез», — дип белдерде министр.
Марат Җәббаров соңгы елларда тармакның инвестицион яктан кызыклылыгы артканын билгеләп узды. «Сөтчелек фермалары һәм комплексларын төзү һәм модернизацияләү, аларны югары технологияле җиһазларда эшләүгә күчерү эше дәвам итә», — диде.
Кызыклы яңалыкларны күзәтеп бару өчен Телеграм-каналга язылыгыз