Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Альбина Шаһиморатова әтисенең җырларыннан торган концертта катнашачак
18 ноябрьдә С.Сәйдәшев исемендәге Зур концерт залында композитор Әнвәр Шаһиморатов әсәрләре яңгыраячак.
Концертта Татарстанның - халык, Россиянең атказанган артисты, Г.Тукай исемендәге дәүләт премиясе лауреаты Альбина Шаһиморатова, Татарстанның халык артистлары Римма Ибраһимова, Рөстәм Закиров, Альбина Шаһиморатованың укучылары Эльза һәм Артур Исламовлар, Алинә Шәрипҗанова һәм башкалар катнаша.
С.Сәйдәшев, С.Садыйкова, Р.Яхин иҗатыннан илһам алып яшәүче Әнвәр ага – үз моңын тапкан композитор. Кеше язмышын, аның кичерешләрен чагылдырган көйләре аша үз йөрәк җылысын башкаларга өләшә. Композиторның Г.Зәйнашева, Ф.Сафин, Ш.Җиһангирова һәм башкаларның әсәрләренә иҗат ителгән җырларын тамашачы яратып тыңлый. Әнвәр Шаһиморатовның беренче әсәрләрен җырчылар Татарстанның халык артисты Гөлзада Сафиуллина, Россия һәм Татарстанның халык артистлары Зилә Сөнгатуллина, Хәйдәр Бигичев та башкарды.
Белешмә өчен: Әнвәр Шаһиморатов 1947 елда Ташкент шәһәрендә туган. Әтисе Башкортстанның Авыргазы районы Солтанморат (татар әдбияты классигы Галимҗан Ибраһимовны биргән данлыклы төбәк) авылыннан. Әнисе Чүпрәле районы Кече Чынлы авылыннан. Әнвәр Шаһиморатов кечкенәдән музыкага хирыслыгы сәбәпле, баян классы буенча Ташкентта музыка мәктәбен һәм училище тәмамлый. Аннары Ташкент Дәүләт университетының юридик факультетында, Казан дәүләт университетында аспирантурада белем ала, юридик фәннәр кандидаты. Үзбәкстан башкаласында яшәп, адвокат булып эшләп яткан җирдән 1994 елда ул гаиләсе белән Казанга күченеп кайта. Һәм биредә 3 ел Идел буе округының Федераль арбитраж судында хөкемдар булып эшли.
Җырларны ул Ташкентта яшәгәндә үк яза башлый. Бервакыт аның кулына Әдхәт Синегулның “Кил миңа” дип исемләнгән шигырь җыентыгы килеп эләгә. Беренче җыр туа. Аннан автор Г.Зәйнашева белән таныша, Ш.Җиһангирова, Г. Мөхәммәтшин, Фәннүр Сафин, Кәүсәрия Шәфыйкова, Дилә Булгакова, Г. Гыйльмановлар белән иҗади элемтәләр булдыра. Кызы Альбина Казан музыка училищесында укый башлагач, көйләр язуы тагын да активлаша.
Кызыклы яңалыкларны күзәтеп бару өчен Телеграм-каналга язылыгыз