Альберт Хәбибуллин: Татарстан Президенты атамасы киләсе сайлауларга кадәр саклана
Скопировать ссылку
Татарстан Президенты вазифасы киләсе сайлауларга кадәр калачак. Аннары республиканың иң югары вазифаи заты «Татарстан Республикасы Рәисе» дип аталачак.
«Закон нигезендә сайланган Татарстан Президенты, вәкаләтләре тәмамланганчы, шул исемдә калачак. "Татарстан Республикасы Рәисе" атамасы яңа сайланган кешегә карата кулланылачак", - диде ТР Дәүләт Советының Дәүләт корылышы һәм җирле үзидарә комитеты рәисе Альберт Хәбибуллин.
Республиканың иң югары вазифаи затын сайлау 2025 елның көзендә узачак.
Республика Конституциясенә төзәтмәләр кертү турында закон проекты икенче укылышта һәм тулаем кабул ителде.