Альберт Борһанов археологик яктан өйрәнелмәгән районнарны атады
Татарстан территориясенең 4-5 проценты гына археологик яктан өйрәнелгән.
(Казан, 16 июнь, «Татар-информ», Гөлүзә Ибраһимова). Тарихчы Альберт Борһанов Татарстанның археологик яктан өйрәнелмәгән районнарын әйтте. Бу хакта ул «Татар-информ» хәбәрчесенә сөйләде.
«Татарстанда археологик яктан бөтенләй өйрәнелмәгән районнар бар. Югары Ыслан, Буа, Чүпрәле, Баулы, Минзәлә, Норлат — археологик яктан өйрәнелмәгән районнар. Чирмешән, Яңа чишмә, Яшел үзән районнарында өйрәнү эшләре башланды. Арча, Биектау, Әтнә районнары өйрәнелгән булса да, анда яңадан эш башларга кирәк», — ди Альберт Борһанов.
Тарихчы археология буенча Татарстан территориясенең 4-5 проценты гына өйрәнелгән булуын да әйтеп узды.