Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Алабугадагы Гастрофорум ресторан һәм кунакханә бизнесы вәкилләрен җыячак
Алабугада 17 һәм 18 февральдә гастрофорум узачак, ул ресторан һәм кунакханә бизнесы вәкилләре өчен белем бирү һәм дискуссия мәйданчыгы булачак. Чараны уздыру планнары турында йомгаклау матбугат конференциясендә Алабуга районы башлыгы Рөстәм Нуриев хәбәр итте.
Форум рестораторларны, кафе, каһвәханә һәм бистро хуҗаларын, шулай ук Алабугадан, күрше шәһәрләрдән һәм төбәкләрдән туристлык тармагы вәкилләрен берләштерәчәк. Спикерлар һәм экспертлар сыйфатында Мәскәү, Санкт-Петербург, Тула, Тобольск һәм Екатеринбургтан белгечләр чакыру планлаштырыла.
Гастрофорум программасында гастрономиядә һәм кунакханә бизнесында заманча трендларга, яңа технологияләргә, ресторан проектлары белән идарә итүгә һәм сервисларны үстерүгә багышланган презцияләр, мастер-класслар һәм презентацияләр каралган. Тере диалог форматы катнашучыларга практик тәҗрибә уртаклашырга һәм тармакның актуаль мәсьәләләре турында фикер алышырга мөмкинлек бирәчәк.
Рөстәм Нуриев сүзләренчә, гастрофорум уздыру катнашучыларның һөнәри дәрәҗәсен күтәрергә һәм Алабуганың туристлык инфраструктурасын үстерүгә өстәмә этәргеч булырга тиеш.
Кызыклы яңалыкларны күзәтеп бару өчен Телеграм-каналга язылыгыз