Алабугада яңартудан соң «Городищенский» чишмәсе ачылды
Скопировать ссылку
Алабугада яңартудан соң «Городищенский» чишмәсе ачылды. Ул Алабуга шәһәрлеге калкулыгы итәгендә, Тойманың Камага кушылган урынында урнашкан. Бу хакта «Алабуга нуры» яза.
Билгеле булганча, бу чишмәне нефтьчеләр 1995 елның маенда төзекләндергән. Бүген бу Алабугада яшәүчеләрнең һәм шәһәр кунакларының яраткан урыны.
Быел чишмә тагын да уңайлырак һәм матуррак булсын өчен, аны яңарту турында карар кабул ителә. Чишмә юлына асфальт салына, баскычлар яңартыла, төшү һәм күтәрелү урыннары җиһазландырыла, утыргычлар һәм кечкенә беседка куела.
«Хәзер халык чиста һәм тәмле су алырга килгәч, утырып ял итә дә алачак», диелгән хәбәрдә.