Фән һәм мәгариф 5 сентябрь 2014 12:22

Алабугада яңа халыкара мәктәп ачылды

"Алабуга" махсус икътисадый зонасында һәм Кама сәнәгать үзәгендә эшләүче чит ил белгеләре балаларына шунда белем бирү каралган

Скопировать ссылку

(Казан, 5 сентябрь, “Татар-информ”). Бүген Алабугада чит ил белгечләре балалары өчен Alabuga International School - халыкара мәктәп ачылды. Республика өчен яңа уку йортын ачу тантанасында Татарстан Республикасы Президенты Рөстәм Миңнеханов катнашты.

Alabuga International School - махсуслаштырылган мәктәптә "Алабуга" махсус икътисадый зонасында һәм Кама сәнәгать үзәгендә эшләүче чит ил белгеләре балаларына белем бирү каралган. Мәктәп комплексында мәктәп һәм балалар бакчасы бар, гомуми мәйданы - 4 мең.кв.м. Анда 350 бала белем алырга мөкин.

Аерым алганда, мәктәп нигезенә беренче ташны салу тантанасы 2013 елның 1 мартында уздырылган иде . Ул "Өч аю" арендалы коттеджлар бистәсе территориясендә урнашкан. "Алабуга" МИЗның идарә компаниясе "ОЭЗ ППТ "Алабуга" ААҖ бистәне төзү заказчысы булып тора, дип хәбәр итә ТР Президенты матбугат хезмәте.

(Фотосурәт prav.tatarstan.ru сайтыннан алынды).

Сәхифәләр

Алабугада яңа халыкара мәктәп ачылды