Алабугада «Татарстан чаңгы юлы-2024» була
Скопировать ссылку
10 февральдә 10.00 сәгатьтә шәһәр ипподромында «Татарстан чаңгы юлы-2024» узачак. Бу хакта «Алабуга нуры» хәбрә итә.
Анда шәһәр җитәкчеләре һәм чаңгы спорты ветераннары, мәктәпкәчә яшьтәге балалар; гомуми белем бирү мәктәпләре укучылары; урта һәм югары һөнәри белем бирү йорты студентлары, шулай ук шәһәр һәм район предприятиеләре, учреждениеләре хезмәткәрләре катнашачак.
Чаңгы ярышларында теләгән һәркем катнаша ала. Катнашучыларны чын спорт дәрте һәм яхшы кәеф көтә. Чара шәһәр халкын даими рәвештә физкультура белән шөгыльләнүгә җәлеп итү һәм сәламәт яшәү рәвешен пропагандалау максатыннан оештырыла.