Алабугада төзеләчәк завод нигезенә беренче таш салынды
Татарстан Президенты Рөстәм Миңнехановның “Инстаграм”дагы битендә әлеге тантанадан фотолар пәйда булды.
Скопировать ссылку
(Казан, 12 декабрь, «Татар-информ»). Бүген Алабуга шәһәрендә “Алабуга сервис металл үзәге” (“СМЦ Алабуга”) җаваплылыгы чикләнгән җәмгыять төзелә башлау хөрмәтенә яңа завод нигезенә беренче таш салу тантанасы булды.
Анда Татарстан Республикасы Президенты Рөстәм Миңнеханов, Чиләбе өлкәсе губернаторы Борис Дубровский, “Магнитогорск металлургия комбинаты” ачык акционерлык җәмгыяте директорлар советы рәисе Виктор Рашников һәм башкалар катнашты. Татарстан лидеры Рөстәм Миңнехановның “Инстаграм”дагы битендә шул тантанадан фотолар пәйда булды.
