Икътисад 19 февраль 2017 15:00

Алабугада нефть чыгару күләме кимегән

Быел Алабуга нефтьчеләре 16 яңа нефть скважинасын кертергә һәм алардан 21 мең тоннадан да ким булмаган дәрәҗәдә нефть чыгарырга ниятли.

Скопировать ссылку

(Алабуга, 19 февраль, "Татар-информ", "Алабуга нуры"). Алабуга нефтьчеләре былтыр 1960 мең тонна нефть чыгаруга ирешкән. Бу 2015 елдагы күләмгә караганда 1,4 процентка ким. “Прикамнефть” идарәсенең башлыгының урынбасары Михаил Вьюков шундый саннар китерде, дип яза "Алабуга нуры" газетасы.

– Нефть бәясе тиз үзгәрә, аның төшүе 2016 ел башында компания эшчәнлегенең хуҗалык планнарын кире карарга мәҗбүр итте, – диде ул. Операция чыгымнарын 10 процентка, капитал кертемнәрне 30 процентка киметергә туры килде.

Бүген “Прикамнефть” идарәсе 22 нефть чыганагында эш алып бара. Аларның күбесендә эш тәмамлану алдында. Быел Алабуга нефтьчеләре 16 яңа нефть скважинасын кертергә һәм алардан 21 мең тоннадан да ким булмаган дәрәҗәдә нефть чыгарырга ниятли, диелә хәбәрдә.

#Алабуга #Алабуга нуры

Сәхифәләр

Алабугада нефть чыгару күләме кимегән