Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алабугада Мәдәни үсеш үзәге төзеләчәк
Ул 4нче микрорайонда Тынычлык проспекты һәм Мәрҗани урамы киселешендә урнашачак.
(Алабуга, 29 гыйнвар, «Татар-информ», «Алабуга нуры»). Алабугада «Мәдәният» илкүләм проектын гамәлгә ашыру кысаларында Мәдәни үсеш үзәге төзү планлаштырыла. Ул 4 нче микрорайонда Тынычлык проспекты һәм Мәрҗани урамы киселешендә урнашачак. Бу хакта Алабуга районы башлыгы матбугат хезмәтендә хәбәр итәләр дип яза район газетасы.
Мәдәни үсеш үзәгендә касса һәм гардероблар белән вестибюль-фойе, 197 урынга исәпләнгән тамаша залы, 48 урынга исәпләнгән кафе һәм бию-гимнастика залы урнашачак.
Мәдәни үзәк бинасында шулай ук эстетик, сәнгать һәм музыка юнәлешле сәнгать мәктәбе булачак. Үзәк заманча җиһазлар, экраннар, музыкаль инструментлар белән җиһазландырылачак һәм мәдәни җәмәгатьчелек игътибарын җәлеп итү үзәгенә әйләнәчәк, диелә хәбәрдә.
Россиядә барлыгы 8 мәдәни үзәк төзү планлаштырыла. Татарстанда «Мәдәният» милли проекты кысаларында шундый ике үзәк төзеләчәк.
Кызыклы яңалыкларны күзәтеп бару өчен Телеграм-каналга язылыгыз