Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Алабугада күп катлы йорт фатирындагы саунада янгын чыгып, 24 кешене эвакуацияләгәннәр
14 кешене җиденче кат тәрәзәсеннән автобаскыч буйлап җиргә төшергәннәр.
(Казан, 24 февраль, «Татар-информ»). Алабугада күп катлы йорт фатирындагы саунада янгын чыгып, 24 кешене эвакуацияләгәннәр. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
18.16 сәгатьтә 112 бердәм номерына Алабуга шәһәренең Таҗи Гыйззәт урамындагы тугыз катлы йортта янгын чыгуы хакында хәбәр килгән.
Урынга Алабуганың янгын-коткару гарнизоны бүлекчәләре юл тоткан.
Янгын сүндерүчеләр күп катлы йорттан 24 кешене, шул исәптән өч баланы эвакуацияләгән, 14 кешене җиденче кат тәрәзәсеннән автобаскыч буйлап җиргә төшергәннәр.
19.22 сәгатьтә янгынны тулысынча сүндергәннәр, аның мәйданы 9 квадрат метр тәшкил иткән. Зыян күрүчеләр юк. Хәзер белгечләр янгынның сәбәпләрен ачыклый.
Кызыклы яңалыкларны күзәтеп бару өчен Телеграм-каналга язылыгыз