Җәмгыять 23 май 2007 15:47

Алабугада эре меценатларның исемнәрен мәңгеләштерәчәкләр

Скопировать ссылку

(Алабуга, 23 май, “Татар-информ”, Гөлшат Солтанова). Алабугада “Шәһәр мецентлары” аллеясын төзү проекты эшләнгән. Проектның максаты – шәһәр кешеләрен һәм эшкуарларны социаль проблемаларны хәл итүгә, шәһәрнең иҗтимагый тормышында катнашуга, мәдәни мирасны саклау һәм үстерүгә җәлеп итү.

Махсус төзелгән комиссия гаризаларын караячак, документларга экспертиза үткәрәчәк һәм “Шәһәр меценаты” исеменә лаекларны билгеләячәк. Аларны исемнәре язылган истәлек плиталары Алабуганың бер тарихи урамында куелачак. Проект буенча, плиталарның зурлыгы 0,80х0,80 метр булачак, меценатның исеме күппочмакның үзәгендә язылачак. Җитәкчелек фикеренчә, мондый хөрмәткә предприятиеләр лаек булачак, чөнки алар Алабуганың социаль объектларын төзү һәм реконструкцияләүгә миллионлаган акчалар кертә.

Сәхифәләр

Алабугада эре меценатларның исемнәрен мәңгеләштерәчәкләр