Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Алабугада экопарк барлыкка киләчәк
Татарстан Республикасы Рәисе кушуы буенча быел Шишкин буалары территориясендә заманча эко-парк төзү буенча проект эшләре башланды. Бу хакта «Алабуга нуры» яза.
Район башкарма комитетының архитектура һәм шәһәр төзелеше бүлеге җитәкчесе Юлия Старогородцева сөйләвенчә, проект Спас соборы янындагы төзекләндерелгән территориядән алып Олы Покров урамына кадәр зонаны үз эченә алачак.
Яңгыр һәм инеш суларын җыю өчен яңа буалар торгызу һәм булдыру, җәяүлеләр юллары һәм велосипед юллары булган зоналар, күперләр һәм ял итү урыннары.Эшләр берничә ел дәвамында этаплап башкарылачак. Быел ук мелиорация чаралары башлана, ә төзекләндерүнең беренче этабын ел ахырына кадәр тәмамлау планлаштырыла.
Икенче этапта Шишкин буалары территориясен яр буе белән тоташтырачак. Ял итү өчен бердәм уңайлы киңлек булдырып, яр буендагы җәяүлеләр зонасын озайту планлаштырыла.
Проект «Алабуга» махсус икътисади зона финанс ярдәме белән гамәлгә ашырыла. Бу үзгәртеп кору территориянең экологиясен яхшыртып кына калмыйча, шәһәр халкы һәм кунаклары өчен аны тагын да кызыклырак итәчәк.
Кызыклы яңалыкларны күзәтеп бару өчен Телеграм-каналга язылыгыз