Алабугада «Чаян» журналының баш мөхәррире белән очрашу була
Скопировать ссылку
19 гыйнварда 10 сәгатьтә Алабуга дәүләт музей-ядкарьлегенең Заманча этносәнгать музеенда «Чаян» журналының баш мөхәррире Рафаэль Хәлилулловның сәнгать сөючеләр клубы әгъзалары белән очрашуы була. Ул легендар журналның 100 еллык юбилеена һәм «Чаян» карикатурачылары күргәзмәсен ачуга багышлана. Бу хакта «Алабуга нуры» хәбәр итә.
Рафаэль Хәлиуллов «Чаян»ның тарихы һәм бүгенге чынбарлыгы, Казан карикатурачылар мәктәбе һәм сатирик басмадагы эш үзенчәлекләре турында сөйләячәк. Журналның баш мөхәррире клуб әгъзаларының сорауларына җавап бирәчәк, ә иң кызыклы сорау бирүчегә Хәлилулловның автографлы китабы тапшырылачак.