Алабугада билбау көрәше буенча Россия Кубогына 280 спортчы килергә җыена
Скопировать ссылку
15-18 мартта Алабугада ир-атлар һәм хатын-кызлар арасында билбау көрәше буенча Россия Кубогы була. Ярышлар Җиңел атлетика манежында узачак.
Россия Федерациясенең 30 төбәгеннән 280 спортчы катнаша. Мисал өчен, Мәскәү, Севастополь, Тамбов, Волгоград, Томск, Түбән Новгород, Санкт-Петербург, Татарстан Республикасы, Башкортстан, Карачаево-Черкесия, Дагестан, Краснодар крае, Мәскәү өлкәсеннән спортчылар килергә җыена. Бу хакта «Алабуга нуры» хәбәр итә.
Ярышлар тантанасы 16 мартта 11:00 сәгатьтә Җиңел атлетика манежында була.