Алабугада җәядән ату буенча «Туган батыр» Бөтенроссия турниры уза
Скопировать ссылку
22 июльдән 24 июльгә кадәр Алабуга шәһәрчегендә традицион җәядән ату буенча Бөтенроссия турниры узачак. Анда 16 яшьтән өлкәнрәк ир-атлар, хатын-кызлар һәм 10-15 яшьлек балалар катнаша ала. Гаризалар 15 июльгә кадәр кабул ителде.
Чарада борынгы фортификацияләрне, ныгытмаларны һәм саклагыч валларны күрергә, утта әзерләнгән тәмле ризыклардан авыз итәргә мөмкин була. Турнир программасында ярминкә, мастер-класслар, палаткалар шәһәрчеге һәм бик күп кызыклы нәрсәләр бар. Бу хакта «Алабуга нуры» хәбәр итә.
Чара Идел буе Болгар дәүләтендә Ислам динен кабул итүгә 1100 ел тулу кысаларында узачак.