Җәмгыять 3 февраль 2010 17:17

Алабугада “Автоледи” конкурсы узачак

“Автоледи–Алабуга” конкурсының финалы Халыкара хатын–кызлар көне алдыннан үтәчәк

Скопировать ссылку

(Алабуга, 3 февраль, “Татар–информ”, Гөлшат Солтанова). Алабуганың “Новая Кама” һәм “Алабуга нуры” газеталары, юл хәрәкәте иминлеге дәүләт инспекциясе һәм “ТР юл хәрәкәте иминлеге фәнни һәм белем бирү программаларын финанслау дирекциясе” филиалы “Автоледи–Алабуга” дип исемләнгән конкурс игълан итә.
Анда хатын–кыз машина йөртүчеләр – Алабуга шәһәре һәм район авылларында яшәүчеләр катнаша ала, аларның машина йөртү стажы күпме булуы мөһим түгел. Конкурс ике этапта узачак: беренче этапта бәйгедә катнашучыларның автомобильләре техник карау үтә. Моннан тыш, машина йөртүчеләрнең юл хәрәкәте кагыйдәләрен ни дәрәҗәдә белүе тикшереләчәк.
Икенче, финал этабында, конкурста катнашучылар машинаны фигуралы йөртү буенча үз осталыкларын күрсәтәчәк. Финалга алар визитка әзерләргә – үз автомобильләрен теләсә нинди алым белән тәкъдим итәргә тиеш.
“Автоледи–Алабуга” конкурсының финалы Халыкара хатын–кызлар көне алдыннан узачак.

Сәхифәләр

Алабугада “Автоледи” конкурсы узачак