Җәмгыять 5 октябрь 2005 13:49

Алабугада «Алтын йөрәкле кеше» исеменә 20 кеше дәгъва белдерә

Скопировать ссылку

(Алабуга, 5 октябрь, «Татар-информ», Гөлшат Солтанова). Алабугада инде шәһәрдә бишенче тапкыр «Алтын йөрәкле кеше» конкурсы игълан ителде. Хәзер халыкны социаль яклау үзәгендә аңарда катнашырга теләүчеләрдән гаризалар кабул итү бара. Конкурста хәйрия белән шөгыльләнә торган җитәкче урында эшләүчеләр дә һәм шулай ук гади кешеләр дә катнаша ала. Әлегә бу исемгә лаек булыр өчен 20 кеше дәгъва белдерә.

Конкурста 5 номинация, аларның һәрберсендә бер җиңүче һәм ике лауреат билгеләнә. Нәтиҗә чыгарганда социаль әһәмияттәге объектларга, аз тәэмин ителгән, ветеран, инвалидлар һәм яшьләр арасында сәләтле кешеләргә хәйрия кебек ярдәм төрләре карала. Җиңүчеләр декабрьдә билгеләнәчәк.

Сәхифәләр

Алабугада «Алтын йөрәкле кеше» исеменә 20 кеше дәгъва белдерә