Җәмгыять 11 декабрь 2023 07:16

Алабугада һөнәри осталык буенча республикакүләм ачык бәйге була

Скопировать ссылку

2024 елның 5-9 февралендә Алабугада «Алабуга-skills» бәйгесе — һөнәри осталык буенча республикакүләм ачык конкурс узачак. Бу хакта «Алабуга нуры» хәбәр итә.

Үз эшләренең осталары һөнәри компетенцияләр буенча ярышачак. Катнашучыларга үзләренең һөнәри сәләтләрен һәм биремнәрне үтәүдә төгәллекләрен күрсәтергә, шулай ук теория һәм практикада белемнәрен күрсәтергә кирәк була.

«Алабуга-skills» конкурсы эшче һөнәрләрнең статусын күтәрү һәм яшьләрнең техник белгечлекләргә кызыксынуын арттыру максатыннан үткәрелә. Һөнәри осталык конкурсында үз эшенең белгечләре ‒ бөтен республикадан предприятие һәм учреждениеләрнең 17 яшьтән өлкәнрәк хезмәткәрләре катнаша. Конкурста катнашучылар 24 номинациядә көч сынашачак.

Катнашу өчен гаризалар 2024 елның 29 гыйнварына кадәр konkursalabuga@mail. ru электрон адресы буенча кабул ителә. Элемтә өчен телефоннар: 8(85557) 4-48-97, 4-48-95.

#Алабуга

Сәхифәләр

Алабугада һөнәри осталык буенча республикакүләм ачык бәйге була