Җәмгыять 13 март 2023 06:11

Алабугада 36 ел элек төзелгән йортка капиталь ремонт ясый башладылар

Скопировать ссылку

Алабугада 36 ел элек төзелгән йортка капиталь ремонт ясыйлара. Эшләр 70 процентка үтәлгән инде.

Капиталь ремонт исемлегенә эләккән йортларның берсе — Свердлов урамы, 70 «а» адресы буенча урнашкан. Биредә түбәне ремонтлауга керешкәннәр, әлегә эш 70 процентка үтәлгән. Белгечләр корылманың төп өлешен алыштырган, җылыткан, иске шифер урынына яңа профнастил салынган. Бу хакта «Алабуга нуры» хәбәр итә.

Эшчеләргә йорт түбәсендәге җилләтү юлларын тышлыйсы һәм керү юлына ремонт ясыйсы калган. Әлеге йорт 36 ел элек төзелгән булган һәм ул 2024 ел планына да кергән, ләкин башка эш төрләре буенча:

«Киләсе елда биредә фасадны, салкын су белән тәэмин итү һәм суүткәрү системаларын ремонтлау планлаштырылган», — дип хәбәр итте «Жилкомфортсервис» ҖЧҖнең капиталь ремонт буенча инженеры Надежда Пономарева.

Быел тулысынча төзекләндерү программасында 23 торак йорт катнаша, кайберсенең фасады җылытылачак, кайсындадыр инженер яисә электр челтәрләре алыштырыла, ә дүрт йортта лифтны яңартырга җыеналар.

#Алабуга

Сәхифәләр

Алабугада 36 ел элек төзелгән йортка капиталь ремонт ясый башладылар