Җәмгыять 11 июль 2021 00:13

Алабуга янгын сүндерүчеләре ярышларда беренче урынны алды

Ярышларда тугыз команда көч сынашкан.

Скопировать ссылку

(Алабуга, 11 июль, «Татар-информ», «Алабуга нуры»).ТР буенча Россия Гадәттән тыш хәлләр министрлыгы Баш идарәсе уздырган ярышларда 75нче янгыннан коткару часте командасы беренче урынны алды.

Әлеге бүлекчәнең укыту-күнегүләр базасында ТР буенча Россия Гадәттән тыш хәлләр министрлыгы Баш идарәсенең янгынга каршы федераль хезмәте территорияләрендәге бүлекчәләрнең көч-чараларын хәрби җәелдерү ярышында соңгы — йомгаклау этабы узды.

Ярышлар янгын каравылы хезмәткәрләренең оператив-тактик һәм физик әзерлеге дәрәҗәсен күтәрү, янгынчы һөнәрен таныту, тәҗрибә уртаклашу, кешеләрне коткару алымнарын һәм ысулларын өйрәнү максатында үткәрелде. Анда 9 команда катнашты, диелә хәбәрдә.

Нәтиҗәдә, 1нче урынны ТР буенча Россия Гадәттән тыш хәлләр министрлыгы 15нче янгыннан коткару отрядының 75нче янгыннан коткару часте командасы (Алабуга) яулады. Әлмәт шәһәренең 65нче янгыннан коткару хезмәте бүлеге командасы 2нче урын алды, 3 урында — 88нче янгыннан коткару хезмәте бүлеге (Зәй).

Сәхифәләр

Алабуга янгын сүндерүчеләре ярышларда беренче урынны алды