Алабуга укучысы бокс буенча Татарстан җыелма командасына чакыру алган
Скопировать ссылку
Түбән Камада 2008-2009 елгы егетләр арасында бокс буенча Татарстан беренчелеге узды. Бу хакта «Алабуга нуры» Казан федераль университетының Алабуга институты матбугат хезмәтенә сылтама белән хәбәр итә.
Алабуга институты «Университет» мәктәбенең 9 нчы сыйныф укучысы Амрам Мамедов (63 кг) 2 нче урынны алды һәм бокс буенча Татарстан Республикасы җыелма командасына эләкте. 19 февральдән егет Идел буе федераль округы беренчелегенә әзерләнү өчен күнекмә җыеннарына барачак.