Җәмгыять 31 октябрь 2016 16:02

Алабуга районының су объектларында боз калынлыгын тикшереп торачаклар

Калынлыгы 7 сантиметрдан ким булган боз өстенә чыгу, техник тикшерү үтмәгән кичүләр аша кешеләргә дә, транспортка да йөрү тыела.

Скопировать ссылку

(Казан, 31 октябрь, «Татар-информ»). 4 ноябрьдән Татарстанның Алабуга районында су объектларын карап-тикшереп йөри башлаячаклар. Районның Гадәттән тыш хәлләр буенча комиссиясе утырышында шундый карар кабул ителгән.

"Калынлыгы 7 сантиметрдан ким булган боз өстенә чыгу бик куркыныч. Техник тикшерү үтмәгән кичүләр аша кешеләргә дә, транспортка да йөрү тыела", – дип кисәтә комиссиядәгеләр.

Район җирлекләрендә бу уңайдан аңлату эшләре алып барылачак. Хәзерге вакытта балалар бакчаларында һәм мәктәпләрдә су объектларында куркынычсызлык айлыгы бара. Урта һәм югары уку йортларында да кисәтү чаралары үткәреләчәк.

#Алабуга #боз

Сәхифәләр

Алабуга районының су объектларында боз калынлыгын тикшереп торачаклар