Алабуга районы башлыгы стипендиясенә ия булган укучылар ачыкланды
Геннадий Емельянов 45 укучыга сертификатлар тапшырды.
(Алабуга, 26 май, "Татар-информ", "Алабуга нуры"). Бу атнада шәһәр киңәшмәсе төрле бәйге һәм олимпиадаларда җиңүчеләрне бүләкләүдән башланды. Алабугада 45 укучы район башлыгы стипендиясенә ия булды. Бу турыда район басмасы хәбәр итә.
Геннадий Емельянов 45 укучыга сертификатлар тапшырды. Бүләкләнүчеләр арасында Иске Юраш урта мәктәбеннән Айзат Сафин (“Worldskills Kazan 2019” республика конкурсында җиңүче), 9нчы мәктәптән Александра Лавандос (мәктәп укучыларының республика олимпиадасында соңгы этапта җиңү яулаучы), 4нче гимназия укучысы Динара Сираҗетдинова (укучыларның татар теленнән Халыкара олимпиада призеры), 10нчы мәктәптән Дарья Автульева ( Бөтенроссия укучылар олимпиадасының соңгы этабы призеры)бар.