Алабуга районы башлыгы ЗАГС бинасының эскизын тәкъдим итте
Скопировать ссылку
Алабуга районы башлыгы Рөстәм Нуриев Телеграм-каналында тәкъдим ителгән ЗАГС бинасының эскизын бастырды. Бу хакта «Алабуга нуры» хәбәр итә.
«Бу проект «Татнефть» архитекторлары тарафыннан башкарылган һәм Азнакай шәһәрендә предприятие акчасына төзелгән. Проект ошаса, лайк куегыз», — диелә язмада.
Элегрәк Алабугада яңа ЗАГС төзү планнары турында хәбәр ителгән иде. Якынча мәгълүматларга караганда, яңа бина актив үсеп килүче 4нче микрорайонда «Йолдызлык» мәдәни үсеш үзәге янында урнашачак. Хәзерге вакытта проект эшләре алып барыла.
Фото: © https://alabuganury.ru/