Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Алабуга мөхтәсибәтендә әхлакый һәм патриотик кыйммәтләрне ныгыту турында сөйләштеләр
ТР Диния нәзарәтнең Алабуга шәһәрендәге «Ихсан» мәктәбендә «Мәктәп укучыларында рухи-әхлакый һәм патриотик кыйммәтләр формалашуга этномәдәни традицияләрнең йогынтысы» дигән төбәк семинары узды. Бу хакта ТР Диния нәзарәте матбугат хезмәте хәбәр итә.
Семинарда Казан, Ижевск, Әлмәт шәһәрләреннән, Сарман районыннан, шулай ук Алабуга районы һәм Алабуга шәһәреннән педагоглар һәм кунаклар катнашты. Семинарда катнашучыларны Татарстан мөфтие Камил хәзрәт Сәмигуллин исеменнән аның мәгариф буенча урынбасары, РИИ һәм КИУ ректоры Рәфикь Мөхәммәтшин сәламләде.
Төбәк семинарының бурычлары рухи - әхлакый һәм патриотик кыйммәтләрне ныгыту өчен белем бирү процессына этномәдәни традицияләрне кертү буенча тәкъдимнәр эшләү; милли юнәлештәге тәрбиягә инновацион процессларны эшләү һәм кертү буенча педагогларның кызыксынуын көчәйтү; рухи-әхлакый тәрбияне оештыруда яңа идеяләр эзләү һәм заманча технологияләр куллану.
Семинарда катнашучылар төрле фәннәр буенча ачык дәресләрдә һәм мастер-классларда булдылар, татар телендә театральләштерелгән «Исем кушу» сәхнәсе аша татарларның гаилә традицияләре белән таныштылар.
Кызыклы яңалыкларны күзәтеп бару өчен Телеграм-каналга язылыгыз