Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
"Алабуга" МИЗ 2015 елда яңа 10 резидент җәлеп итәргә ниятли
Хәзерге вакытта анда 42 резидент теркәлгән, аларның 10сы җитештерүгә керешкән
(Казан, 25 сентябрь, «Татар-информ»). "Алабуга" МИЗ җитәкчелегенең 2015 елга планнарында тагын яңа 10 резидент һәм инвестицияләр сыйфатында, ким дигәндә, 5 миллиард сум акча җәлеп итү, дип белдергән МИЗ ның генераль директоры Тимур Шаһивәлиев. Хәзерге вакытта анда 42 резидент теркәлгән, аларның 10 сы җитештерүгә керешкән инде, дип хәбәр итә ИТАР-ТАСС.
Тимур Шаһивәлиев сүзләренчә, инвесторлар өчен полимерлар, шул исәптән автокомпонентлар, ашлык, нефть химиясе эшкәртү һәм төзелеш тармагы өчен продукция чыгару аеруча перспективалы санала.
МИЗ мәнфәгатьләр векторын көнбатыш компанияләреннән төрек һәм Кытай компанияләренә алмаштырырга әзер, дип өстәде ул. "Хәзер көнбатыш компанияләре нинди булса сөйләшүләрне туктатып тора икән, җирле чималдан файдаланып, эчке базарга йөз тоткан башка кандидатлар пәйда булачак. Шуңа да без төрек векторын дәвам итеп, Кытай белән хезмәттәшлекне үстерәчәкбез һәм Россия компанияләре дә активрак булыр дип өметләнәбез", - диде ул.
Америка компанияләренә килгәндә исә, алар үз проектларын һәм активларын туктатмый, заводлар төзүне дәвам итә, дип ассызыклады Шаһивәлиев.
Искәртеп узабыз: кичә "Алабуга" махсус икътисади зонасында Төркиянең МДФ-панель һәм агач идән япмаларын җитештерү буенча "Кастамону Энтегре" заводы ачылды. Киләчәктә предприятиенең еллык әйләнеше 170 миллион долларга җитәргә тиеш, анда 2500 эш урыны булдырылачак.
Кызыклы яңалыкларны күзәтеп бару өчен Телеграм-каналга язылыгыз