news_header_top_970_100
Руc Тат
16+
news_header_bot_970_100
Җәмгыять 4 февраль 2023 13:39

Алабуга махсус хәрби операция зонасындагы солдатларга 70 тонна гуманитар ярдәм җибәргән

Скопировать ссылку

Татарстанның Алабуга районы хакимияте һәм анда яшәүчеләр махсус хәрби операциягә үзләре теләп китүчеләргә һәм мобилизацияләнгәннәргә 70 тонна гуманитар ярдәм, шул исәптә 7 автомобиль җибәргән. Бу хакта «Татар-информ»га район хакимиятенең матбугат хезмәтендә хәбәр иттеләр.

«Алабуга районында яшәүчеләр гуманитар ярдәм җыюдан читтә калмый. Район һәм шәһәр оешмалары «Ярдәм янәшә!» республика акциясенә кушылды. Махсус хәрби операция зонасына барлыгы 70 тонна гуманитар ярдәм, шул исәптә 7 автомобиль җибәрелгән. Шулай ук җылы оекбаш бәйлиләр, маскировкалау челтәрләре үрәләр, окоп шәмнәре һ.б. ясыйлар. Алабугада яшәүчеләр бердәм булуларын күрсәтә», - диделәр матбугат хезмәтендә.

Мобилизацияләнгәннәргә, контрактчыларга һәм үз теләкләре белән китүчеләргә 42 миллион сумнан артык бәягә ярдәм җыелган, аның 12,5 миллион сумы хәрби киемгә һәм кирәк-яракка тотылган. Алабуга хәрбиләренә махсус хәрби операциягә гуманитар ярдәм җыю өчен 14 урын бирелгән.

Алабуга муниципаль районында мобилизацияләнгән, үз теләкләре белән киткән ир-атларның һәм контрактчыларның 283 гаиләсе яши. Алар арасында 7 яшькә кадәрге 127 бала, мәктәп яшендәге 176 бала һәм урта махсус уку йортында белем алучы 9 студент бар.

Мобилизацияләнгән, үз теләкләре белән киткән һәм контрактчылар гаиләләренә 2022-2023 елларда өстәмә социаль ярдәм сыйфатында 230 транспорт картасы, шәһәр музейларында 560 абонемент, спорт объектларында 550 абонемент, кинотеатрга 260 абонемент бирелгән.

Шәһәр халкы Алабуга хәрбиләренең ихтыяҗлары өчен кирәкле продукция җитештерүне оештырды. Бүгенге көндә 46 маскировка челтәре, 245 блиндаж шәме, 206 тактик носилка, 260 утыру җайланмасы һәм 30 мич (буржуйка) әзерләнгән.

autoscroll_news_right_240_400_1
autoscroll_news_right_240_400_2
news_bot_970_100