Алабуга мәдәният һәм сәнгать көллияте директоры: Сабантуйга кыштан ук әзерлек башлыйбыз
Скопировать ссылку
Алабуга Сабан туенда урындагы мәдәният һәм сәнгать көллияте студентлары килен төшерү йоласын күрсәтте. Көллият директоры, Татарстанның атказанган мәдәният хезмәткәре Альфира Әкбәрова Сабантуйга студентлар кыш көне үк әзерләнә башлауларын әйтте.
«Без Сабантуйларга кыштан ук әзерләнә башлыйбыз, чөнки студентларыбыз Сабан туе йолаларын авылларга барып өйрәнәләр, сценарийлар язалар», — дип сөйләде ул «Татар-информ» хәбәрчесенә.
Гореф-гадәтне сәхнәләштерүдә көллиятнең «Алабуга» җыр һәм бию, «Яшь буын» һәм «Кама таңнары» бию ансамбле катнашты.
